Úlfljótsvatn er afrennsli Þingvallavatns, 4 km2 og um 20 metra djúpt. Meðaldýpi þess er um 4.7 metrar. Mikill straumur er í vatninu og úr því fellur Sogið.

Sömu bleikjuafbrigði veiðast í vatninu og í Þingvallavatni, þ.e.a.s. kuðungableikja, sílableikja, dvergbleikja og murta. Urriði veiðist einnig og getur orðið afar stór.

Vesturbakki Úlfljótsvatns, fyrir landi Bandalags íslenskra skáta, er inni í Veiðikortinu að undanskildu svæðinu frá ósum Fossár að Úlfljótsvatnsskirkju.

Hægt er að kaupa stök veiðileyfi hjá Útilífsmiðstöð skáta.