Elliðavatn er víðfrægt veiðivatn steinsnar frá höfuðborginni. Úr þeim renna Elliðaár til sjávar. Vatnið hefur verið kallað háskóli fluguveiðimannsins.

Börn 0-12 ára og reykvískir ellilífeyrisþegar mega veiða frítt í Elliðavatni. Vatnið er innan vébanda Veiðikortsins frá árinu 2013.

Í vatninu er bæði staðbundin bleikja og urriði. Urriðinn hefur sótt á undanfarin ár og er orðinn uppistaðan í afla stangveiðimanna. Bleikjan hefur látið undan síga eins og víðar á suðvesturlandi. Óvíst er um orsakir niðursveiflu bleikjustofnsins en heyrst hafa kenningar um óhagstætt hlýnandi veðurfar og nýrnasjúkdóma. Þegar líða tekur á sumarið gengur lax í vatnið um Elliðaárnar og veiðast nokkrir slíkir á hverju sumri. Laxinn gengur síðan áfram í Hólmsá og Suðurá og hrignir að hausti.

Elliðavatn er skipt í 3 veiðisvæði (sjá kort undir Myndir að neðan). Þegar keypt er leyfi er eitt svæðanna valið.

1. Elliðavatn fyrir landi Vatnsenda
2. Elliðavatn fyrir landi Elliðavatnsbæjarins ásamt Helluvatni
3. Hólmsá, Suðurá, Bugða, Silungapollur og Nátthagavatn

Kort og veiðistaðalýsing frá Geir Thorsteinssyni

Elliðavatn verður innan Veiðikortsins frá sumarinu 2013. Veiði hefst á sumardaginn fyrsta, 24. apríl 2014.