Veiðivötn eru vatnaklasi á Landmannaafrétti sem samanstendur af allt að fimmtíu vötnum, bæði smáum og stórum. Mörg vötnin eru sprengigígar sem mynduðust í Veiðivatnagosinu 1477. Í vötnunum er mikil urriðaveiði en bleikju hefur einnig fjölgað á síðustu árum, sérstaklega í þeim vötnum sem eiga samgang við Tungnaá. Urriðinn í vötnunum þykir sérstaklega vænn og er af ísaldarstofni, þ.e. sjóbirtingur sem lokaðist inni við lok síðustu ísaldar.

Helstu veiðivötnin eru:

• Arnarpollur
• Breiðavatn
• Eskivatn
• Grænavatn
• Hraunvötn
• Kvíslarvatnsgígur
• Krókspollur
• Kvíslarvatn
• Langavatn
• Litla Breiðavatn *
• Litla Fossvatn *
• Litlisjór
• Litla Skálavatn
• Nýjavatn
• Ónýtavatn
• Fremra Ónýtavatn
• Ónefndavatn
• Pyttlu
• Stóra Fossvatn *
• Skyggnisvatn
• Snjóölduvatn
• Stóra Skálavatn
• Tjaldvatn

Sumarið 2007 veiddust tæplega 13 þúsund urriðar og 8 þúsund bleikjur á stöng. Meðalþyngd fiskanna var um 1,5 pund. 

Upplýsingar um veiðileyfi og leigu skála má finna á veidivotn.is